Aktorët që punojnë në Hollywood po kërcënojnë me protesta. Pas skenaristëve, të cilët po kërkojnë kushte më të mira në marrëveshjet dhe kontratat e tyre, më shumë se 300 aktorë, duke përfshirë Meryl Streep, Kevin Bacon, Jennifer Lawrence, Ben Stiller, Eliot Page, Liam Neeson, Eva Longoria, Amy Schumer dhe Glen Gloze, po kërkojnë për kushte më të qarta në kontratat e tyre.
Në një tekst që firmosin për sindikatat dhe komisionin e negociatave, ata u bëjnë thirrje përgjegjësve që të mos pranojnë asgjë më pak se një “marrëveshje transformuese”.
“Ne kërkojmë që të shtyni për të gjitha ndryshimet që na duhen dhe mbrojtjen që meritojmë dhe të bëni histori duke e bërë këtë. Nëse nuk mund të arrini atje, ju kërkojmë të përdorni fuqinë që ne anëtarët ju kemi dhënë dhe të bashkoheni me WGA në vijat e grevës .
Presidentja e sindikatës Fran Drescher (e njohur si “Miss Fine” nga “The Nanny”) u takua me kryenegociatorin javën e kaluar, duke thënë se bisedimet ishin “jashtëzakonisht produktive”, por kolegët e saj mendojnë se ai do të kënaqet me më pak se sa ata presin.
Discussion about this post