Kryeministri Edi Rama është pritur me protesta nga shqiptarët në Frankfurt të Gjermanisë, ku qytetarë të diasporës janë shfaqur me flamuj kombëtarë dhe pankarta me mesazhe kundër qeverisë shqiptare.
“Diçka është kalbur në shtetin shqiptar”, është një prej mesazheve të shfaqura në pankartat e protestuesve, të cilët kanë zgjedhur të shprehin pakënaqësinë e tyre gjatë vizitës së kryeministrit në qytetin gjerman.
Në pankarta të tjera shkruhet “Shqipëria nuk është në shitje”, “Jo narkoshtetit” dhe “Interesi publik nuk është përfitim personal”.
Përmes këtyre mesazheve, pjesëmarrësit në protestë kanë shprehur kundërshtimin e tyre ndaj mënyrës së qeverisjes në Shqipëri, duke ngritur shqetësime për korrupsionin, interesin publik dhe përdorimin e pushtetit.
Tubimi zhvillohet në një kohë kur në Tiranë vijojnë protestat studentore dhe qytetare, gjatë të cilave kërkohet dorëheqja e kryeministrit.
Discussion about this post