E teksa sot është Dita Ndërkombëtare e Gruas, si rrallëherë në Tiranë qytetarët kanë protestuar. Shoqëria civile dhe lëvizje të ndryshme për mbrojtjen e grave janë mbledhur para kryeministrisë për të protestuar për të drejtat e tyre.
“Ne sot jemi mbledhur njëkohësisht për të ngritur zërin për gjithçka që nuk shkon në vendin tonë. Nga dhuna gratë preken në mënyrë të drejtpërdrejt dhe të veçantë. Jemi këtu për të bërë të dukshme pozitën tonë në shoqëri. Këtu janë disa shoqata dhe qytetarë të angazhuar”, tha përfaqësuesja e një lëvizjeje.
Ajo theksoi se të ngresh zërin në një shoqëri të dhunshme sa shoqëria shqiptare është e guximshme. Ndërkohë edhe në qendër të kryeqytetit është bërë një tjetër demonstrim, ku janë vendosur dhjetëra këpucë grash të lyera me të kuqe, si simbol për viktimat e dhunës.
Discussion about this post