Partia Demokratike ka njoftuar sot policinë vendore në Tiranë për mbajtjen e protestës të shtunën në Bulevardin Dëshmorët e Kombit në orën 12:00.
Foltorja do të vendoset në bulevard përballë kryeministrisë.
Personat që do të flasin do të jenë drejtues të PD dhe përfaqësues të Shoqërisë Civile.
Do të jenë rreth 200 persona që do të përbëjnë stafin, që do të merret me mbarëvajtjen e protestës.
Kreu i PD-së Sali Berisha kërkoi dje mobilizim të strukturave të PD-së për të mbledhur sa më shumë njerëz ditën e shtunë në Bulevardin “Dëshmorët e Kombit”.
Dy ditë para protestës së paralajmëruar para kryeministrisë, Berisha takoi në selinë e PD-së anëtarët e degëve 8 dhe 10 të Tiranës. Ai inkurajoi demokratët për pjesëmarrje të lartë në protestën e lajmëruar në 11 shkurt, duke thënë se kjo datë është dita e fundit e kryeministrit Rama. “Ju falënderoj me shumë mirënjohje për punën që keni bërë dhe bëni, për suksesin e madh të protestës së 11 shkurtit, protestë e cila ka ngjallë shpresat e shqiptarëve kudo që janë, protestë e cila ka një interes të madh në mbarë botën.
Lënda: Njoftim për mbajtje proteste,
Drejtuar:
TONIN VOCAJ
DREJTUES I PARË, DREJTORIA VENDORE E POLICISË, TIRANË
I nderuar z. Vocaj,
Bazuar në ligjin 8773 datë 24.04.2021 “Për Tubimet”, Partia Demokratike e Shqipërisë do të organizojë në datë 11.02.2023, një tubim protestë në Tiranë për të kërkuar dorëheqjen e Kryeministrit të Shqipërisë pasi ka vënë në rrezik pluralizmin, votën e lirë dhe demokracinë. Tubimi do të mbahet në bulevardin Dëshmorët e Kombit, duke filluar nga ora 12:00;
Pjesëmarrja do të variojë 80 mijë deri në 100 mijë protestues. Protestuesit do të grumbullohen në selinë e Partisë Demokratike, sheshin Nënë Tereza dhe sheshin Skënderbej dhe do të lëvizin në drejtim të Bulevardit Dëshmorët e Kombit,
⚫ Foltorja do të vendoset në Bulevard përballë Kryeministrisë. Personat që do të flasin në protestë do të jenë drejtues të Partisë Demokratike dhe përfaqësues të Shoqërisë Civile.
Grupi i personave ndihmës për mbarëvajtjen e tubimit do të jenë rreth 200 persona me moshë mbi 18vjeç, të pajisur me shenjat dalluese, shirit i bardhe me mbishkrimin PMT Person përgjegjes do te jete z Ervin Minarolli, Sekretar Organizativ i Partisë Demokratike të Shqipërisë, cel 0672030212, adresa Selia e PDSH Bulevardi “Zhan D’Ark”, Nr. 11, Tirane. Sa më sipër, njoftimi i aktivitetit për dijeninë tuaj në kuadër të mbarëvajtjes së tubimit.
Duke ju falenderuar paraprakisht.
SEKRETARI ORGANIZATIV
Ervin Minarolli
Discussion about this post