Një nga protestuesit e “5 Majit” ka treguar sot për mediat se qeveria ka gënjyer kur tha se do t’i strehojë ata që iu shemben shtëpitë, pasi ai dhe familja e tij po jetojnë në gërmadha. Ai shprehet se do takim me kryetarin e Bashkisë Erion Veliaj dhe deputetët, për të zgjidhur problemin e tij.
“Bashkë me familjen po jetoj mes gërmadhave dhe të ftohtit. Kemi bërë disa herë kërkesa por nuk na kanë marrë parasysh dhe vendosëm që të vijmë të bllokojmë rrugën që ta shikojnë se nuk jemi popull që na shkelin me këmbë. Ne po na vjedhin me pronat”, tha ai.
Banori tregoi se familja e tij përbëhet nga 13 pjesëtarë dhe se fëmijët ende nuk janë rikthyer në shkollë. Protestuesi sqaroi se nuk ka firmosur asnjë marrëveshje me qeverinë, por banesa e tij u prish. Dhjetëra banorë të zonës së “5 Majit” në Tiranë po zhvillojnë sot një protestë para Kuvendit për shembjen e banesave të tyre. Në mbështetje të tyre janë edhe disa banorë të Laprakës, të cilët rrezikojnë që t’u shemben banesat e tyre nga një projekt rruge.
Discussion about this post