Prindërit e fëmijëve të kopshtit Zubeyde Hanim” me vendim të qeverisë së kryeministrit Edi Rama janë përplasur me efektivët e policisë. Një prej uniformave blu u ka kërkuar që të mos bllokonin shkallët e Kryeministrisë, por prindërve nuk u ka pëlqyer kjo gjë. Njëra prej tyre i ka quajtur efektivët ushtarë të kryeministrit Edi Rama të cilin e konsideron kriminel. Ndërsa një tjetër prind tha se nuk po bënin asgjë, përveçse u kishin kthyer të pasmet efektivëve.
“Efektivi: Ulu poshtë, uluni poshtë…
Gruaja: O zotëri, a ka mundësi liroji ti këto shkallët, se ti nuk qenke prind.
Efektivi: S’qenkemi ne prindër
Gruaja: Por s’je prind ti që vjen e na tregon sa shkallë lejohen. Jeni ushtarët e atij kriminelit, jeni patronazhista dhe ua ka mpirë trurin ai.
Burri: Ore s’po bëjmë gjë, prapanicën i kemi kthyer, asgjë s’po bëjmë. Veç prapanicën kemi kthyer.”
Përballë kryeministrisë, fëmijët e kopshtit ‘Zubeyde Hanim’ së bashku me prindërit u paraqitën për të kërkuar ndryshim të vendimit të Qeverisë për mbylljen e kopshtit. Fëmijët e moshave 3-6 vjeç që ishin pjesë e këtij kopshti u ulën në tavolina dhe pikturuan në fletat që kishin marrë me vete. Ata u pyetën nga gazetarët se nëse kishin mall për kopshtin dhe për miqtë e tyre. Përgjigjet ishin ‘po’.
Kopshti “Zubeyde Hanim” është mbyllur me urdhër të ministres së Arsimit dhe Sportit të Shqipërisë, Evis Kushi, urdhër i cili mban datën 15 shtator 2022, publikuar në Fletoren Zyrtare të Shqipërisë të datës 20 shtator 2022. Heqja e licencës bëhet për shkak të konstatimit të shkeljeve të rënda të legjislacionit në fuqi, që përbëjnë mosplotësim të kushteve të licencimit. Kopshti në fjalë ushtron aktivitetin në një godinë, për të cilin nuk është marrë miratimi nga ministri përgjegjës për arsimin dhe institucioni përkatës i licencimit.
Discussion about this post