Kryetari i Partisë së Lirisë Ilir Meta, ka shprehur, ka reaguar sot lidhur me ngjarjen e rëndë që ndodhi në Kosovë, ku një 11-vjeçare u përdhunua për 7 orë nga 5 të rinj. Përmes një postimi në Facebook, Meta shpreh mbështetjen për protestën që pritet të mbahet në orën 18:30 në sheshin Nënë Tereza, në lidhje me përdhunimin e vajzës 11-vjeçare në Kosovë. Meta shkruan se solidarizohet me thirrjen për të reaguar fuqimisht ndaj këtij krimi. Ai shton gjithashtu se drejtësia duhet t’u jap dënimin e merituar personave të përfshirë në këtë ngjarje të rëndë.
“Mbështes dhe solidarizohem plotësisht me protestën ‘Solidaritet me Prishtinën’ e thirrur sot në Tiranë, në ora 18:30, në sheshin “Nënë Tereza” për mbrojtjen nga dhuna patriarkale të vajzave, grave dhe nënave shqiptare.
Duke ju bashkuar kërkesës legjitime për ndëshkimin më shembullor të autorëve që dhunuan vogëlushen 11-vjeçare në Prishtinë, akt i rëndë që tronditi mbarë shoqërinë shqiptare, si dhe duke shprehur të gjithë mbështetjen time për të dhe familjen e saj, solidarizohem sot me thirrjen për të reaguar fuqimisht ndaj një krimi që nuk duhet të gjejë vend në shoqëritë tona”, shkruan Meta në facebook. Kujtojmë se sot me qindra kosovarë kanë protestuar në Prishtinë ku i kanë kërkuar qeverisë dënim maksimal për të gjithë autorët.
Discussion about this post