Pas protestës para Kryeministrisë, qytetarët janë zhvendosur në rrugën Myslym Shyri, ku kanë bllokuar qarkullimin e makinave. Efektivët kanë mbërritur dhe kanë kërkuar largimin e tyre nga rruga. Situata është shoqëruar me tensione mes tyre dhe përplasje fizike. “O sot, o kurrë, o njerëz bashkohuni”, dëgjohen protestuesit. Ju lutem largohuni”, i drejtohen efektivët. Pas ndërhyrjes së tyre, protestuesit janë larguar nga kryqëzimi dhe qëndruan në trotuar tek Sheshi Rinia, duke zhbllokuar qarkullimin e mjeteve.
Kujtojmë se sot u mbajt dita e pestë e protestës kundër rritjes së çmimeve në vend, ndërsa është paralajmëruar se do të mblidhen sërish nesër në orën 17:00.
Discussion about this post