Ka ardhur reagimi i parë nga radhët e Partisë Socialiste lidhur me protestën e zhvilluar dje nga opozita. Deputeti i PS-së Petro Koçi ka bërë një postim ku ka komentuar mbi shpenzimet e saj, duke aluduar se oligarkët luajnë me shumë porta. Pasi protestojnë për çmimet, kur bëjnë shpenzime të tilla për protestën. Në një postim në rrjetet sociale, Koçi shkruan se për demokratët Saliu është më i rëndësishëm se Shqipëria.
“Edhe se nuk ishte proteste me e madhe nga ato qe orientonte Lul Basha serish mund te themi se protesta e mbrëmshme ishte një lajm i keq për Shqipërinë. Dëshmoi se për PD-istët Saliu është me i rëndësishëm se Shqipëria. Dëshmoi se euroatlantizmi në PD nuk është bindje, por retorike pragmatiste. Shpenzimet e protestës vërtetuan gjithashtu se oligarkët bëjnë loje me shumë porta. Nga ana tjetër vërteton se standardi kulturor dhe politik i Berishës është mjaft i përhapur në shoqëri. Dëshmon se rinovimi i vërtetë politik, ndryshimi i lidershipit politik të në është së prapthi. Prandaj Nano iku para Berishës kur duhej te ndodhte ndryshe. Iku Luli para Berishës, kur ky i fundit duhej të ishte në pension”, shkruan Koçi. Ndërsa vetë kryeministri Edi Rama ka zgjedhur të qëndrojë indiferent ndaj zhvillimeve të fundit.
Discussion about this post