Vetëm pak orë pas protestës së dhunshme të zhvilluar ditën sotme në selinë e PD, ka ardhur dhe një reagim nga Byroja e Çështjeve Konsullore në Departamentin amerikan të Shtetit. Me anë të një postimi në rrjete sociale, ajo i njofton qytetarët që të evitojnë zonën ku është zhvilluar protesta si dhe të qëndrojnë në gatishmëri për të shmangur tubime të tjera të mundshme.
“Protesta në selinë e Partisë Demokratike ka përshkallëzuar në dhunë, ku kanë ndodhur disa incidente, përplasje fizike apo dhe përdorimin e gazit lotsjellës. Duhet të shmangni zonën përreth selisë dhe të qëndroni në gatishmëri për të evituar tubime të tjera që mund të regjistrohen në zona periferike”, thuhet në postim.
Kujtojmë se më herët ka reaguar dhe vetë ambasadorja amerikane, Yuri Kim, e cila është shprehur se dënon ashpër dhunën dhe protesta të tilla që krijojnë trazira në vend.
Discussion about this post