Protestat masive në Serbi, mediat në Beograd: Sot pritet të japë dorëheqjen kryeministri

Kryeministri i Serbisë, Millosh Vuçeviç pritet të japë dorëheqjen këtë të martë (28 janar), shkruajnë mediat në Beograd.

Ai pritet të mbajë një konferencë të jashtëzakonshme rreth orës 11:00, citon Tanjug.

Një ditë më parë, presidenti Aleksandër Vuçiç tha se kërkesat e studentëve janë plotësuar dhe se po shikon për disa ndryshime në qeveri.Millosh Vuçeviç ftoi dje të gjithë dekanët, rektorët, profesorët e universitetit dhe përfaqësuesit e studentëve në një takim për të diskutuar të gjitha temat e rëndësishme për gjithë komunitetin dhe për veten e tyre.

Studenët e universiteteve të Serbisë nisën dje një bllokadë 24-orëshe në Beograd, duke kërkuar përgjegjësi penale dhe politike për vdekjen e 15 personave nga shembja e strehës në Stacionin Hekurudhor në Novi Sad, më 1 nëntor të vitit të kaluar.

Ndërkohë disa media të tjera vendase bëjnë me dije se studentët e Fakultetit Filozofik në Novi Sad janë sulmuar fizikisht gjatë mbrëmjes së djeshme (27 janar) nga persona të panjohur të cilët kanë dalë nga ambientet e SNS-së, partia e Aleksandër Vuçiqit .