Sot u mbajt protestë në sheshin “Skënderbeu” në Prishtinë, shkak i së cilës është bërë deklarata e kryeministrit Albin Kurti për politikanin serb, Oliver Ivanoviç.
Të hënën e 23 janarit, fëmijët e dëshmorëve të Ushtrisë Çlirimtare të Kosovës mbajtën protestë kundër deklaratave të kryeministrit Albin Kurti për politikanin e ndjerë serb, Olivier Ivanoviç, me moton, “Kryeministër, mos na shkel në gjak! Stop, devijimit të historisë”.
Protesta u thirr nga një grup në rrjetin social Facebook, që thuhet të jetë nga fëmijët e dëshmorëve të Ushtrisë Çlirimtare të Kosovës.
Në njoftim thuhej se protesta është organizuar për shkak të indinjimit me veprimet e Kurtit, që sipas tyre, ai ka tentuar të amnistojë një kriminel lufte.
“Të indinjuar thellë me veprimet e kryeministrit të Republikës së Kosovës, Albin Kurtit, dhe tentimin e tij për të amnistuar kriminelin e luftës, ideatorin dhe kryesin e vrasjeve të shqiptarëve civilë, Oliver Ivanoviçit. Fëmijët e dëshmorëve të Ushtrisë Çlirimtare të Kosovës, thërrasin për protestë, me moton: “Kryeministër, mos na shkel në gjak! Stop, devijimit të historisë!”, thuhej në njoftim.
Sipas organizatorëve, kjo protestë ka për qëllim ndërgjegjësimin për vlerën e historisë dhe të ardhmes së vendit.
“Në këtë protestë ftohen të marrin pjesë të gjithë qytetarët, pa asnjë dallim, të cilët mendojnë se heshtja ndaj veprimeve destruktive dhe të rrezikshme është po ashtu një bashkëngjitje në faj”, theksohet në njoftim.
Discussion about this post