Banorë e njësisë Gosë në Rrogozhinë kanë dalë sot në protestë kundër OSHEE, pasi prej shumë vitesh ato përballen më të njëjtin problem, me ndërprerje të shpeshta elektrike.
Për këtë arsye ata kanë dalë sot në protestë para nënstacionit elektrik të Rrogozhinës. Ata shprehen se gjatë ditës iu ndërpritet shumë herë energjia elektrike, madje edhe natën duke u kthyer në një problem të madhe për ta. “Jemi me pleq, me fëmijë të vegjël, mes të natës kur t’i shkrepet. Kemi shumë vite me këtë punë, nuk e ka zgjidhur njeri. Te ne vijnë dritat edhe ikin. Ne i bëjmë bukët gati, sa bëhet buka për t’u futur ikën dritat, prishet buka”, u shprehën ata.
Banorët akuzojnë OSHEE se asnjëherë nuk njofton para se energjia të ndalet në mënyrë që të marrin masat e tyre.
Discussion about this post