Ka vijuar aksioni edhe për heqjen e kabinave prej druri në Theth. Por, kjo nismë është kundërshtuar nga banorët e Thethit, të cilët janë përplasur me policinë për prishjen e këtyre e objekteve të tyre të vëna pa leje. Banorët kundërshtojnë, duke u shprehur “jemi në tokën tonë”.
Ndërkohë, ditën e sotme janë shembur 5 objekte me strukturë druri në pronësi të familjes Koçeku, ndërsa sipas IMT në total janë dhënë 40 objekte që do të shemben në të gjithë fshatin.
Një ditë më parë, Kryeministri Rama e quajti masakër të mirëfilltë ndërtimin e këtyre kabinave pa leje.
Një ditë më parë, Kryeministri Rama e quajti masakër të mirëfilltë ndërtimin e këtyre kabinave pa leje. Ndërtuesi, të cilit Rama i referohet si “kriminel”, është një emër shumë i njohur për drejtësinë. Prek Kodra, i cili 4 vite më parë, në një dokument të Njësisë Kundër Terrorizmit të Kosovës, rezulton se kishte planifikuar të vriste me snajper kryeministrin e Kosovës, Albin Kurtin, dhe 2 politikanë të tjerë të njohur në Prishtinë.
Prokuroria e hodhi poshtë inkriminimin që u bën Rama këtyre banorëve duke u shprehur se këto objekte nuk janë ndërtime, por mund të trajtohen thjesht si kundërvajtje administrativë nga bashkia.
gijotina.com/
Discussion about this post