Ish-kryeministri Sali Berisha ka dalë nga banesa e tij për tu nisur drejt selisë blu, ndërsa mbështetësit e tij paralelisht kanë thyer dyert e PD-së dhe kanë hyrë në ambientet e brendshme të selisë. Ai ka shprehur se kjo është një protestë paqësore, ndonëse nuk kanë munguar as aktet e dhunshme nga mbështetësit e tij, të cilët sulmuan deputetin e PD-së, Roland Bejko. Lidhur me këtë rast ai nuk ka preferuar të përgjigjet por gjithçka ka theksuar është paqja që sipas tij do të karakterizojë këtë protestë.
“Protesta është dhe do të mbetet protestë paqësore. Ftoj të gjithë protestuesit. demokrate dhe demokrate që sot do të ndërrojne bunkerin e Peng Bashës ne shtëpinë e lirisë. Të ruajnë gjakftohtësinë dhe të vetëpërmbahen. Nëse ndërhyn policia, ndërhyn Rama”, tha Berisha.
Lidhur me paralajmërimet se Enkelejd Alibeajt i rrezikohet jeta, nga një atentat që mund t’i bëhet nga mbështetësit e tij, Sali Berisha ka komentuar duke thënë se nënkryetari i PD-së në Gjykatën Kushtetuese voton sipas oreksit të Ramës, ndërsa thekson se nuk ka negociuar me asnjë.
“Që zonja Alibeaj në Gjykatën Kushtetuese të votojë sipas oreksit të Edi Ramës. Asnjë nuk ka negociuar me mua. Kam negociuar vetëm me anëtarët e Partisë Demokratike. Zoti Basha jeton në…nuk ka asnjë autoritet dhe asnjë forum partie”, deklaroi Berisha.
Nënkryetari i PD-së është marrë nën mbrojtjen e gardës për shkak të këtyre paralajmërimeve.
Discussion about this post