Gjykata e Moskës ka dënuar gazetaren Marina Ovsyannikova, e cila protestoi drejtpërdrejt në transmetim kundër pushtimit rus të Ukrainës, me 8.5 vjet burg.
45-vjeçarja, i cila u gjykua në mungesë, u shpall fajtore për “përhapjen e informacionit të rremë me vetëdije” për forcat e armatosura ruse.
Ajo u largua nga Rusia me vajzën e saj vitin e kaluar pasi u arratis nga arresti shtëpiak.Ovszannikova i cilëson akuzat si “absurde”, shkruan BBC.
Organizatat e lajmeve të kontrolluara nga shteti u thuhet ta përshkruajnë atë si një “operacion special ushtarak”. Dhjetra njerëz janë burgosur ose gjobitur për “diskreditim” të ushtrisë së vendit – në atë që grupet e të drejtave thonë se është një goditje e paprecedentë ndaj disidencës nën Presidentin Vladimir Putin.
Discussion about this post