Fermerët kanë njoftuar një protestë që do të organizohet ditën e nesërme në vendet e tyre të punës lidhur me situatën akuale në të cilën ndodhen. Ata thonë se janë totalisht të papërkrahur nga qeveria dhe se çmimet e drithërave janë rritur në mënyrë të papërballueshme.
Sipas deklaratës së përfaqësuesit të tyre, ditën e nesërme 400 femerë do protestojnë për mos-përkrahjen nga ana e qeverisë e cila shënohet ndër më të ulëtat krahasuar me vendet e tjera në rajonin e Ballkanit.
Më tej ata thonë se nëse situata nuk përmirësohet, do të ketë përshkallëzim të protestave, deri në bllokim të rrugëve nacionale.
Janë 10 fshatrat që do marrin pjesë në këtë protestë, nga Lushnja, Fieri, Divjaka dhe Berati. Kjo është protesta e parë e zhvilluar nga fermerët dhe në qoftë se nuk do të merren masat e duhura, këta të fundit lajmërojnë përshkallëzimin e situatës.
