Pak minuta më parë banorët e “5 Majit” kanë nisur si çdo ditë protestën kundër prishjes së banesave. Në një prononcim për mediat një nga banorët ka deklaruar se policia ushtron dhunë, kur ata kërkojnë vetëm të drejtën e tyre dhe kanë protesta paqësore.
Gjithsesi, ai tha se kështu nuk do të vazhdojnë më, madje paralajmëruan se në 22 shkurt, kur do të zhvillohet aksioni tjetër i IKMT, ata do të derdhin gjak nëse do të jetë nevoja.
“Është polici e dhunshme dhe shtet policor. Për të prishur 2 shtëpia vijnë 600 forca policie. Unë isha i pari që rezistova më morën zvarrë, kryetari i bashkisë gënjen sepse asnjë nuk ka firmosur dhe ne nuk jemi pakicë. Më datën 22 ne do të jemi me mbrojtje edhe me dhunë dhe do ta mbrojmë me gjak atë pronë të më prishin pa marrëveshje reale, ne nuk lejojmë të prishen shtëpitë. Policia ta dijë shumë mirë që më datë 22 të mbrojnë banorët”, tha banori.
Protesta e banorëve vazhdojnë prej muajsh, por pak javë më parë IKMT prishi 11 banesa, ndërsa në total do të shemben 700 shtëpi.
Discussion about this post