Protestuesit e Berishës tentojnë të çmontojnë selinë blu, marrin shkallë hekuri

Protestuesit e thirrur nga ish-kryeministri Sali Berisha duket se janë të vendosur që me çdo kusht të hyjnë brenda selisë së PD-së.

Ata kanë marrë një pale shkallë hekuri, pasi po tentojnë të hyjnë në seli përmes dritareve, ndërsa gjithashtu po çmontojnë dyert e blinduara.

Pasi protestuesit tentuan që të hynin në seli, duke hapur një prej dyerve, nuk kanë mundur të depërtojnë brenda godinës, ndërsa kanë zgjedhur si alternative që të futen përmes dritareve. Berisha iu kërkoi demokratëve që të nxjerrin nga zyra kryetarin e PD-së, Lulzim Basha.