Katër protestuesit e arrestuar pas protestës së opozitës para bashkise se Tiranes kane dale para gjykates. Në mbështetje te tyre kanë mbërritur në gjykatë disa qytetare dhe deputet të te PD se Rithemelimit.
Prapa kafazit prej xhami, ata janë shprehur se kane marrë pjesë në protestë si qytetarë dhe nuk kanë qëlluar me molotov.
Kevin Vidrica, Bernard Metaliaj, Franc Kaloshi dhe Artan Muçmata, janë në masën arrest në burg për përdorim të lëndëve piroteknike dhe kundërshtim të punonjësve të policisë.
Në sallën e gjyqit, protestuesit thanë se janë keqtrajtuar nga forcat e rendit.
Një prej tyre, Franc Kaloshi tha se i kanë terrorizuar familjen.
Ai tha se është i pafajshëm dhe se nuk ka hedhur molotov ndaj forcave të rendit.
“Më kanë terrorizuar familjen. Kanë ardhur në 7 të mëngjesit në banesën time në Fier. Nëna ime, babai im, kanë qenë të pranishëm. Nuk kam qëlluar me molotov apo punonjës policie. Na kanë hequr edhe rripat e pamtallonave, jam demokrat me kontribute familjarisht. Kam protestuar paqësisht. Jam arrestuar në Fier, është rrethuar e gjithë zona për të më arrestuar mua. Kurrë në jetën time në kam qëlluar ndaj një punonjësi policie. Kam respekt për uniformën e policisë së shtetit,” tha ai.
Policia thotë se shoqërimi i tyre është bërë pasi u hodhën dhjetëra koktejl me molotovë në drejtim të Bashkisë së Tiranës dhe u përplasën me punonjësit e policisë.
Discussion about this post