Në protestën që po zhvillojnë sot para Kuvendit, një protestuese ka thënë se në çdo rast vështirësie qeveria iu kthen krahët dhe i lë në mëshirë të fatit. Ajo ka treguar ngjarjen e rëndë me të cilën është përballur gjatë pandemisë. Qytetarja tha se kishte marrë lajmin për vdekjen e bashkëshortit nga spitali, por pas 6 orësh mësoi se asgjë nuk kishte ndodhur. Megjithatë shtoi se sërish bashkëshorti ndërroi jetë, pas 3 ditësh pasi nuk ishte futur në intubim.
“Burrin e shtrova në spital. Unë çova fjalë nëpër komshinj. Erdhën njerëzit për varrimin e burrit, porosita e kafen. Mbas 6 orës, tragjedi që i raftë edhe Edi Ramës o zot, (banorët e tjerë: Amin, ja po bëjmë kryqin) më thanë që burri është gjallë. Shkoi djali me vajzën shohin burrin, ishte gjallë por nuk kishte marrë intubim. Marrin doktorin në telefon, më thotë doktori që jam nipi i filanit, provo e kërko intubimin. Për 3 ditë burri im vdiq”, tha ajo para mediave.
Të revoltuar banorët thanë se qeveria nuk ka hedhur sytë nga ata as për pandemisë dhe tani po iu jep goditjen e fundit duke i lënë rrugëve, pasi iu shwemb shtëpitë.
Discussion about this post