Rekomandimet e Kontrollit të Lartë të Shtetit për sigurinë në plazhe, kanë treguar me anë të një raporti subjektet që plotësuan dhe nuk plotësuan kushtet e masave anti-COVID.
Këtë verë në vendin tonë u vendos një protokoll për masat anti-COVID për sezonin turistik. Protokolli i hartuar nga ministria e Turizmit në bashkëpunim me ministrinë e Shëndetësisë, duhet të zbatohej nga të gjitha sipërmarrjet e shërbimeve turistike. Ky protokoll përmbante rregulla duke nisur nga shërbimi në plazhe e deri te sipërmarrjet e aktiviteteve turistike.
Nga inspektimi dhe monitorimi i dokumentit, sipas KLSH-së, rezultoi se 300 subjekte nuk plotësuan kushtet apo kriteret që u vendosën për parandalimin e përhapjes së COVID-19
Mbështetur në raportin e përgatitur KLSH konstatoi se “286 subjekte ose 95% plotësonin kriterin (90) ‘Respektimi i hapësirës midis çadrave’, 270 subjekte ose 90% plotësojnë kriterin (11) ‘Elementet ndarës tokë-det’, 241 subjekte ose 80% plotësojnë kriterin (12) ‘Dushet’, 232 subjekte ose 77% plotësojnë kriterin (13) ‘kabina zhveshje’ dhe 292 ose 97% plotësojnë kriterin (14) ‘kosha mbeturinash’, kundrejt 300 subjekteve te monitoruara; gjendje kjo në mos përmbushje të VKM nr. 171, datë 27.03.2019 ‘Për miratimin e rregullores ‘Për kushtet dhe kriteret e ushtrimit të veprimtarisë së stacionit të plazhit’”.
Gjithashtu, lidhur me zbatimin e kritereve për masat parandaluese ndaj COVID-19, sipas raportit të KLSH-së, evidentohen se 171 ose 57% subjekte plotësuan kriterin “Afishimi i këshillave për COVID-19” dhe 167 subjekte ose 56% plotësonin kriterin “zbatimi i protokollit për masat COVID-19”
“Lidhur me zbatimin e kritereve për masat parandaluese ndaj COVID-19 evidentohen se 171 ose 57% subjekte plotësonin kriterin (1) ‘Afishimi i këshillave për COVID-19’ dhe 167 subjekte ose 56% plotësonin kriterin (2) ‘zbatimi i protokollit për masat COVID-19’; kundrejt 300 subjekteve te monitoruara”- shkruhet në raportin e KLSH
“Protokolli i masave anti-COVID-19” është një dokument që rekomandohet të zbatohet nga sipërmarrjet turistike, turistët/pushuesit dhe vizitorët, për mbarëvajtjen e atyre aktiviteteve të miratuara si të lejuara, përmes akteve normative të Ministrisë së Shëndetësisë dhe Mbrojtjes Sociale, si dhe institucioneve të tjera kompetente.
