Prindi i një maturanti që dëshironte të vazhdonte studimet për mjekësi pretendon se në provimin e zhvilluar nga Qendra e Shërbimeve Arsimore (QSHA) janë favorizuar aplikantët me mesatare të ulët.
Në një denoncim të publikuar nga Nisma Thurje, denoncuesi pretendon gjithashtu se koha në dispozicion që i është lënë kandidatëve për 50 pyetje ishte vetëm 1 orë, ndërkohë që provimi në fjalë kishte 30 % të pikëve të përgjithshme. Kjo sipas denoncuesit ka penalizuar djalin e tij, i cili ka qenë me rezultate të shkëlqyera në shkollën e mesme, por që duket se nuk është favoriozuar nga provimi i QSHA.
Prindi i revoltuar ka publikuar dhe certifikatën e maturës shtetërore të fëmijës së tij, të cilin e ka patur nxënës tek gjimnazi “Sami Frashëri”, i cili shihet se ka patur nota të larta si të të 3 viteve gjimnaz, po ashtu edhe ato të provimeve të maturës.
Denoncimi i publikuar nga Nisma Thurje:
Më poshtë është një ankesë e ardhur nga një prind i revoltuar:
“Në Universitetin e Mjeksisë u zhvillua një provim në QSHA.
Koha e provimit ishte 1 orë për 50 pyetje ndërkohë në provimet e maturës shteterore ajo ishte 2 orë e gjysëm për 30-35 pyetje.
Vendosja e një kohe kaq të shkurtër për më shumë pyetje është më e pakta arbitrare dhe më e shumta e qëllimshme për tju dhënë mundësinë për t’u futur në mjekësi maturantë me mesatare më të ulët.
Çudia ndodhi, tek ky provim ata kanë marrë pikë me shumë, padrejtesia tjetër është se provimit i është dhënë nga ministria pesha prej 30% në grumbullin e përgjithshëm të pikëve duke e ulur vlerën e 3 viteve gjimnaz dhe 4 provimeve të maturës shtetërore me një të rënë të lapsit.
Te ministria e arsimit kishte shumë të tjerë që ankoheshin për këtë problem.”
Discussion about this post