Sfida ndërmjet Romës dhe Milanit përfundoi mes polemikave të shumta nga ana e verdhekuqve për gjykimin që i’u bë kësaj ndeshje. Gjyqtari Fabio Mareska i penalizoi romakët në shumë raste.
Akordimi i penalltisë ndaj Ibrahimoviç dhe 11 metërshi i padhënë në favor të Romës ishin rastet më të diskutueshme në këtë ndeshje.
Për të shlyer gabimet e Mareskës, Shoqata e Arbitrave në Itali ka vendosur ta pezullojë për 2 ndeshje gjyqtarin, duke i dërguar një mesazh të qartë për arbitrin skandaloz në këtë takim.
Referuar mediave italiane, Shoqatës nuk i ka pëlqyer aspak mënyra si Mareska e ka menaxhuar takimin si dhe numri i kartonëve të verdhë ishte shumë i lartë dhe jo i domosdoshëm.
