Partia Socialiste ka bojkotuar mbledhjen e Komisionit të Hetimit të Zgjedhjeve që ishte parashikuar të mbahej ditën e sotme në orën 15:00. Në lidhje me këtë ka reaguar nënkryetari i LSI, Petrirt Vasili, i cili shprehet se ky veprim i mazhorancës është in turpshëm. Përmes një postimi në Facebook ai shkruan se, bojkoti i mbledhjes bëhet për shkak se ata ndihen të frikësuar nga e vërteta.
“Çfarë turpi! Rilindja bojkoton pa asnjë shkak e arsye mbledhjen e Komisionit Hetimor për zbardhjen e zgjedhjeve të 25 prillit! Mbledhjen e kërkuan po vetë për sot në 20 tetor! Pengojnë dhe zvarritin me çdo mjet zbardhjen e 25 prillit. Kanë shumë frikë nga e vërteta”, është shprehur ai.
Që prej fillimit mazhoranca e ka kundërshtuar ngritjen e Komisionit Hetimore duke e quajtur atë në kundërshtim më Kushtetutën. Në dy takime që janë zhvilluar ka pasur përplasje të forta mes anëtarëve të PS dhe atyre të PD.
