Deputeti i PS, Erion Braçe, ka deklaruar ditën e sotme se Partia Socialiste ka nevojë për risi dhe ndryshime. Sipas tij, një fryme re do të bënte hapa para. Ndërkaq, sipas tij është një nevojë urgjente që qeveria të largojë sa më parë nga Administrata dhe Parlamenti të gjithë ata që nuk punojnë por mendojnë vetëm për karrigen.
“Nuk me shqetëson opozita dhe çfarë bëmë me veten e qytetarët. Mua më shqetëson qeverisja. Ne duhet të ndryshojmë për të vendosur një standard të ri. Atë 5-vjeçarin e negociatave. E kemi mundësinë të jemi tjetër vend pas 5 vitesh, duhet të hapemi të dëgjojmë shumë të jemi konkretë. Njerëz që nuk kanë qëllime, objektiva brenda një ekzekutivi, administrata duhet të largohen, janë dembelë. Nuk i duroj dot. Shqetësimi im është përmirësimi i qeverisjes”, tha Braçe.
Discussion about this post