Partia Socialiste ka paralajmëruar një kallëzim në SPAK për nënkryetaren e Partisë Demokratike, Jorida Tabakun. Shkak është bërë vizita e Tabakut në ambientet e SPAK, e cila u takua me Arben Krajën.
Lajmi u bë i ditur në nisje të seancës për komisionit hetimor nga nënkryetarja e Komisionit për Inceneratorët, Ermonela Felaj, e cila tha se veprimi i saj është në kundërshtim me ligjin.
“Ju keni shkuar pranë SPAK si kryetare e këtij komisioni, pa qenë e mandatuar nga ky komision. Ndaj, veprimi juaj është në kundërshtim të hapur me ligjin, që ju detyrojnë juve të mos ndërmerrni asnjë tagër që nuk ua jep ky komision. Për këtë arsye, ne anëtarët e mazhorancës në këtë komision kemi vendosur të drejtojmë një kallëzim penal në SPAK për Jorida Tabakun, për dy vepra penale, për ushtrimin e ndikimin e paligjshëm ndaj personave që ushtrojnë veprime publike, dhe shpërdorim detyrë. Veprimi është kryer me dashje direkte, rezulton se ka nxitur SPAK, duke i dhënë mbështetje për dokumente të tjera”, tha Felaj.
Discussion about this post