Deputetja e Partisë së Lirisë Monika Kryemadhi i ka dalë në mbrojtje kreut të PD-së Sali Berisha, pasi PS kërkoi përjashtimin e tij nga Kuvendi.
“Berisha shquhet për xhentilesë ndaj femrave, Edi Rama i konsideron gratë e partisë si burra, kurse burrat si gra. Nikolla, mos u përdorni në mënyrë kaq primitive, kryeminsitri shquhet për dhunë verbale ndaj grave, tërhiqeni atë gjë se është shyumë e turpshme, mos bëni më gjëra të tilla. Kam dashur të flas dy herë dhe nuk më ke dhënë të drejtën e fjalës. Zbatoni Kushtetutën e Kuvendit e di që jeni në presion të madh, por nuk kemi ccfarë t’i bëjmë McGonigalit. Mos u bëni dhe ju jashtëqitja e tij”, tha Kryemadhi nga seanca plenare.
Ishte Anila Denaj që kërkoi përjashtimin e Sali Berishës nga Kuvendi i Shqipërisë. Në cilësinë e nënkryetares së grupit parlamentar të Partisë Socialiste, ajo tha se kanë dorëzuar një deklaratë ku kërkojnë përjashtimin e Sali Berishës për gjuhë lincuese ndaj grave deputete.
“Sali Berisha nuk shmang asnjë diskriminim, por ka marrë edhe statusin e atij që mund të nxjerrë çfarë të dojë nga goja. Ose të nxjerrë prova, ose të kërkojë falje publike ndaj subjekeve të dhunës së shfrenuar. Gjatë ushtrimit të mandatit, sanksionet e rregullores lidhen me shkeljen e veprimtarisë së Kuvendit. Kjo deklaratë është depozituar sot dhe e keni marrë sot e kërkojmë që të shqyrtohet menjëherë. Më vjen keq për kryetaren e Aleancës së gruas, të cilat nuk është hera e parë është deklaratë e përsëritur, kësaj here i është bashkuar emri i ambasadorëve. Kjo është një gjuhë lincuese. Gjuha etike në këtë parlament duhet të jetë e saktë për të gjithë. Për mua është legjislatura e parë, por gjuha etike është për të gjithë”, tha ajo
Discussion about this post