Pas shumë replikash në distancë, Partia Socialiste ka pranuar kërkesën e PD-së për ngritjen e një komisioni të Posaçëm për Reformën Zgjedhore, ku të adresohen të gjitha rekomandimet e OSBE/ODIHR.
Lajmin e konfirmoi kreu i grupit parlamentar të PS, Taulant Balla që tha se ky komision duhet të ngrihet sa më parë dhe është në pritje që të dorëzimit të propozimeve nga PD, ndërsa shtoi se ka pasur kërkesa dhe nga LSI që të jetë pjesë e Komisionit.
“Diskutimi do të fokusohet në prioritetet e këtij buxheti, në dobi të qytetarëve. Në mbledhjen e grupit të PS kemi diskutuar dhe për kërkesën e ardhur nga grupi i PD për ngritjen e komisionit të Reformës Zgjedhore. Të dy bashkëkryetarët do të formojnë dhe formulojnë projektvendimin. Kemi shumë formula ekzistuese të mënyrës së organizmit të reformës zgjedhore. Ato janë drejtuar me bashkëkryetar, ose me ndërhyrjen e palëve. Ndaj le të vijojë puna, duke respektuar edhe të gjithë përfaqësimin parlamentar që kemi në kuvendit të Shqipërisë. Në këtë këndvështrim, sapo projektvendimi të jetë gati, sapo PD të propozojë bashkëkryetarin e tyre, ne të kalojmë në Kuvend ngritjen e komisionit të posaçëm.
Propozimet kanë mbështetje prej më shumë se 28 deputetëve. Kuvendi e cakton qartë se si mbështeten nismat. Sapo të jetë plotësuar ky afat kryetrari i Kuvendit të thërrasë mbledhjen e përbashkët të Këshillit të Legjislacionit”, u shpreh ai.
Balla tha se Damian Gjiknuri është propozuar si bashkëkryetar nga ana e PS-së për Komisionin e Reformës Zgjedhore.
“Në mbledhje u diskutua për buxhetin e vitit të ardhshëm, dhe për propozimin për ngritjen e një grupi të posaçëm për Reformën Zgjedhore. Ne do të propozojmë si bashkëkryetar zotin Gjiknuri. Edhe nga LSI është shprehur dëshira për të qenë pjesë e këtij komisioni, të kalojmë sa më parë këtë komision në Kuvend”, shtoi ai.
Ndër të tjera, Balla u ndal edhe tek zgjatje e mandatit të Vettingut, ku u shpreh se kërkesa e ndërkombëtarëve duhet të përmbushet.
