Kuvendi ka miratuar projektvendimin “Për përbërjen e Komisionit të Posaçëm të Kuvendit “Për të koordinuar dhe mbikëqyrur të gjitha veprimet institucionale për të luftuar dezinformimin dhe format e tjera të ndërhyrjes së huaj në proceset demokratike të vendit”, me 73 vota pro dhe 7 kundër.
Deputetët e opozitës Lindita Metaliaj, Dashnor Sula, Agron Shehaj, Oerd Bylykbashi, Tritan Shehu dhe Spahiu votuan kundër
Pas votimit, i pari që reagoi ishte deputeti i opozitës Dashnor Sula, i cili e quajti komisionin “Xhafaj-Koti”, ndërsa akuzoi për mungesë transparence.
“Urime komisioni Xhafaj-Koti, nuk keni transparencë fare. Kemi tetë komisione të përhershme, duhet të keni patur parasysh që duhet të kishit përfshirë kryetarë dhe nënkryetarë të përhershëm, por kemi përfshirë vetëm pesë. Tre të tjera ju duken të papërshtatshëm, pse i keni përjashtuar tre komisionet të tjra që mos jenë në Komisionin Antikorrupsion. Shumë faleminderit dhe nuk e teproj kur them që është Komisioni Xhafaj-Koti”, u shpreh Sula.
Komisioni antikorrupsion do të drejtohet nga Fatmir Xhafaj. Ndërsa i Dezinformimit nga Erion Brace.
Edhe pse opozita ka deklaruar se nuk do të marrë pjesë, parashikohet që Komisioni të ketë 11 anëtarë, 6 nga mazhoranca dhe 5 nga opozita. Drejtimin e këtij komisioni do ta ketë shumica parlamentare ndërsa nënkryetari i takon pakicës.
Seanca e kësaj të enjte, u shoqërua me tensione dhe debate të forta, ku kërkesa e opozitës për mocion me debat me kryeministrin, mbi investigimet e mediave të huaja, Rai3 dhe BILD e rivizatonin Shqipërinë si një narkoshtet, u rrëzua nga mazhoranca socialiste.
Pati edhe një ndërprerje të seancës plenare nga Lindita Nikolla, pasi deputetë të Rithemelimit, u mblodhën para foltores.
Discussion about this post