Plagosje me armë zjarri në aksin rrugore Postribë-Prekal. I plagosuri ka marrë një plagë në këmbë, është dërguar në spitalin e Shkodrës, jashtë rrezikut për jetën.
Bëhet me dije se i plagosur ka mbetur shtetasi Çel Shabaj.
Ngjarja ka ndodhur pas një konflikti të çastit. I plagosur me autorin kanë cekur automjetet në aksin rrugor dhe më pas kanë dalë nga makina duke debatuar me njëri tjetrin.
Autori më pak ka nxjerrë armën duke plagosur Shabajn. Sipas burimeve nga policia autori u vu në pranga.
“Policia gjeti e sekuestroi në cilësinë e provës materiale armën e zjarrit pistoletë me të cilën dyshohet se u plagos 43-vjeçari.
Rreth orës 20:40, në Postribë, dyshohet se gjatë një konflikti të çastit, për motive të dobëta, shtetasi K. K., dyshohet se ka plagosur me armë zjarri në këmbë shtetasin Ç. Sh., 43 vjeç, i cili ndodhet në kujdesin e mjekëve, jashtë rrezikut për jetën.
Shërbimet e Policisë, me marrjen e njoftimit, shkuan menjëherë në vendin e ngjarjes dhe falë veprimeve të shpejta hetimore bënë të mundur identifikimin dhe shoqërimin e 3 shtetasve për veprime të mëtejshme, mes tyre dhe autori i dyshuar.’, njofton policia.
gijotina.com/
Discussion about this post