Në konferencën pas hapjes së negociatave, kryeministri Rama u pyet nga gazetarët se pse opozita nuk është pjesëmarrëse në Bruksel. Rama u përgjigj se do të ishte mirë dhe mund të ftoheshin përfaqësues, por problemi është se nuk dihet se kush është kush në opozitë.
“Në një format të përcaktuar nga Komisioni Evropian për gjithë trupën që do të përfaqësonte Shqipërinë mund të kishim kërkuar një ndryshim për ë ftuar një përfaqësues ose më shumë nga opozita, por kemi një problem që nuk është i Brukselit, që nuk dimë se kush është kush në anën e opozitës”, shprehet Rama.
Kreu i qeverisë preku në fjalimin e tij gjithçka, që nga lufta në Ukrainë, sulmi kibernetik nga një vend armiqësor, reforma në drejtësi, madje edhe bashkëpunimi me shoqërinë civile dhe lirinë e medias.
Por një term që Rama nuk e përmendi në asnjë moment ishte opozita. Pakica nuk ishte pjesë e fjalimit të kreut të qeverisë por as edhe pjesë e delegacionit zyrtar që e shoqëroi në Bruksel.
Discussion about this post