Gjatë debatit në komisionin hetimor të inceneratorëve, deputeti i Partisë Demokratike, Helidon Bushati pyeti kryeministrin Edi Rama në lidhje me faktin se pse nuk është bërë prokurim publik për zgjedhjen e kompanive për inceneratorët e Elbasanit, të Fierit dhe të Tiranës. Ndërkohë Rama iu përgjigj anëtarëve të Komisionit Hetimor ku po merret në pyetje që prej orës 12:00, se ishte një formulë e zbatuar në ligj.
Pjesë nga debati:
Edi Rama: Ne e kemi 29 euro tarifën për inceneratorin e Tiranës për mbetjet. Franca e ka 152 euro. Kemi pasur disa kontakte. Unë kam qenë skeptik që kjo do të ndodhte, por duke qenë se ishte një proces, që ishte i domosdoshëm, unë thash; shumë mirë le të bëhet. Kjo është rruga e duhur dhe gjëja e duhur që është bërë. S’ka diskutim, që përtej aspekteve administrative që mund të kenë problematikat e tyre, por në aspektin investim, çmim, përfitim për të mirën publike, ne kemi bërë gjënë e duhur. Është një çmim jashtëzakonisht i arsyeshëm. Kamza ka problematikë dramatike.
Helidon Bushati: Ky është momenti i parë kur lepuri zgjohet, dhe akoma nuk është bërë çakall që të kapë bilancet e buxhetit shqiptar. Pse nuk e hidhni në prokurim çështjen e inceneratorëve. Ata mund të kishin ardhur me çmim më pak mbase.
Edi Rama: Unë nuk fola për holandezë. Mendoj që nuk është mirë me më vënë gjera të tilla në gojë. Nuk fola për konsulentë holandezë. Unë dështova etj, ju thash se ça ka ndodhur. Po ju them dhe një gjë, se u bë bozë kjo punë se ato impiante janë atje. S’po flasim për impiante që do bëhen, por janë fizikisht atje. Di që në impiantin e Tiranës, kur unë në një nga vizitat e mia, aty është përfshirë një kompani ndërkombëtare me 150 vjet eksperiencë, merreni dhe pyeteni. Për mua është shumë e thjeshtë; pse janë shqiptarët, pse s’janë të huajt?! Pse këtë mos ta bëjnë europianët?! Këto se si bëhet me tender të një natyre apo natyre tjetër, si vendos unë. Puna ime është të them; ku do shkojmë, pse do e bëjmë. Nuk është puna ime, por e gjithë asaj skuadre. Puna ime është të bëjmë një Shqipëri pa plehra. Ju thoni se ishte pa garë, por e thoni ju. Ju nuk thoni një gjë tjetër, që është bërë me një formulë e cila është zbatuar në ligj. E ka ligji!
Helidon Bushati: Procedura është bërë pa publikim. Se ka ditur asnjë njeri se do të bëhej një procedurë. Ka qenë vetëm një kompani. A keni një koment?
Helidon Rama: Ju bëni një akuzë. Ne lexojmë letrat dhe shohim filma të ndryshëm. Unë fokusohem te filmi i realitetit. por ju fokusoheni të gjëra të tjera. Unë kam kërkuar informacion dhe nuk rezulton si thoni ju. është procedurë e bazuar në një formulë ku populli nuk paguan asgjë.
Discussion about this post