Kreu demokrat Sali Berisha, gjatë takimit me mbështetës dhe simpatizantë në Kavajë, u ndal edhe në çështjen e emrit të Partisë Demokratike, për të cilën demokratët kanë dy vite që presin se kujt i takon logo dhe vula.
Berisha akuzoi Edi Ramën si armikun më të egër që një opozitë ka pasur në Shqipëri, madje duke e akuzuar se mori emrin dhe vulën e PD.
“Ky njëlloj si nazistët në kampet e përqendrimit, që u hiqnin emrat hebrenjve dhe u jepnin numra, për t’i denatyruar, për t’u shkatërruar identitetin, dhe ky thotë se nuk jeni ju PD”, tha Berisha.
E në vijim ai ngriti pyetjen që shpesh ia kanë drejtuar: pse nuk gjen emër tjetër?
“Emër tjetër?! Pse don Edi Rama të marrim emër tjetër. Jo mo, do përballemi me të ne. Sepse ne jemi në të drejtën e Zotit dhe nuk do pranojmë kurrë.
Kur ta ndërrojmë emrin, e ndërrojmë vete ne, jo të na e ndërrojë një armik si ai.
E vërteta është se po bëjmë përpjekje shumë të mëdha dhe është një numër i konsiderueshëm të rinjsh dhe personalitetesh të shkolluar brenda dhe jashtë që po bashkohen me PD.
Por, këtu mos prisni gjithçka nga Sali Berisha.
Secili prej jush ka detyrën e tij të bëjnë të njëjtën gjë.
Ju së bashku, njihni më shumë se unë.
Po të ulemi dhe të shkruajmë këtu tani në një detyrë se kë njoh unë personalitet të shquar, djalë, vajzë, të zotë, që duhet të bashkohet me ne, unë mund të bëj një listë, por ju të gjithë së bashku mund të bëni një listë 10 herë më të madhe.
Prandaj të gjithë së bashku ta ripërtërijmë PD-në”, tha Berisha.
Discussion about this post