Ish prokurori Eugen Beci, i cili hetoi masakrën e Peshkëpisë, deklaroi në emisionin “Të Paekspozuarit” se hetimi për këtë çështje u mbyll për dy arsye thelbësore. Sipas tij, shkaku i parë ishte se shteti grek nuk ktheu përgjigje për kërkesat e Prokurorisë shqiptare.
Por Beci zbuloi gjithashtu se u zhdukën fashikuj nga dosja, ngjarje kjo e paprecedent.
Ylli Rakipi: Pse u mbyll çështja e Peshkëpisë? Ju keni qenë prokuror i çështjes.
Eugen Beci: Në pikëpamje të korrespodencës me shtetin grek, nuk ishin të plota. Është detyrim që rrjedh nga Konventat. U gjetën disa shpjegime proceduriale, që kanë të bëjnë me parashkrimin e veprës penale . Pati dy probleme, zhdukja e një fashikulli të hetimit, që u bë nga autoritetet shqiptare. Dhe mos ardhja e letërporosisë (nga Greqia).
Ishte rasti i parë që hasa një dosje, që mungonte materiali. Në vend të vendimit, thuhej janë fletë formati bosh. Veprat janë kryer që nga 94. Një akt terrorist mbeti pa u ndëshkuar.
Discussion about this post