Pse u ‘arratisën’ tifozët nga stadiumi në Katar-Ekuador?

Katari humbi ndaj Ekuadorit në ndeshjen hapëse të Kupës së Botës 2022.

Paraqitja e dobët e skuadrës vendase nuk u vlerësua shumë nga tifozët, të cilët u larguan nga tribuna shumë më herët se arbitri Daniele Orsato të përfundonte ndeshjen.

Stadiumi Al Bayt ishte plot kur filloi ceremonia e inaugurimit, por nga pjesa e parë, kur golat nga Enner Valencia kishin mbërritur tashmë, vendet e lëna bosh dukeshin qartë.

Dy janë arsyet: për disa pati një zhgënjim të madh për nivelin e kombëtares, ndërsa të tjerët u larguan për të shmangur trafikun përreth stadiumit.

Eksodi ra shumë në sy sidomos me përfundimin e pjesës së parë, kur disa shkonin për të kërkuar ushqim e pije, ndërsa të tjerë largoheshin nga stadiumi.Një situatë e ngjashme ndodhi edhe në Fan Zone, pothuajse 10,000 njerëz ishin mbledhur në Doha për të ndjekur Katar-Ekuador dhe shumë tifozë u larguan shpejt.