Ish-deputeti i Aleancës për Ardhmërinë e Kosovës Daut Haradinaj, ka kërkuar ngritjen e një Komisioni Hetimor për kryeministrin Albin Kurti.
Arsyeja sipas tij, janë privilegjet që Kurti ishte në burg në Serbi.
Haradinaj pyeti se si ishte e mundur që edhe atëherë ishte zgjedhur Kurti për të dhënë një intervistë për mediat ndërkombëtare, edhe pse në mesin e të burgosurve kishte shumë njerëz të mëdhenj. “Duhet të krijojmë një komision hetimor parlamentar sepse bëhet fjalë për kryeministrin e Kosovës. Dua të zbuloj se përse ky person u zgjodh në një situatë kaq të vështirë, në kohën e regjimit të Millosheviçit, për të dhënë një intervistë për mediat ndërkombëtare.
Në kohën kur emrat shumë më të njohur nuk e panë dritën e ditës, ai u zgjodh për të dhënë një intervistë”, tha Haradinaj. Ish-deputeti i Aleancës për Ardhmërinë e Kosovës, ndër të tjera, konsideron se krijimi i një komisioni hetimor për këtë çështje duhet të mbështetet nga anëtarët e partisë në pushtet. “Disa muaj pas rënies së Millosheviçit, ish-presidenti Vojisllav Koshtunica mori vendim ekzekutiv për lirimin e Kurtit. Ai e di pse u lirua. Nëse ai refuzon të thotë, ne duhet të krijojmë një komision parlamentar. Nuk e përjashtoj mundësinë e ndërmarrjes së një nisme të tillë.
Folëm për këtë, mendoj se na mungojnë numrat për komisionin parlamentar, por jam i sigurt që opozita do të na mbështesë. Është logjike që edhe Vetëvendosja ta përkrahë, kjo nuk është në dëm të Kurtit, por ne vetëm duam të vërtetën”, tha ish-deputeti i Aleancës për Ardhmërinë e Kosovës në mediat kosovare. Kujtojmë se Kurti është vënë kohët e fundit në qendër të vëmendjes për shkak të situatës gjeopolitike pasi plasi lufta në Ukrainë.
Discussion about this post