Ditën e djeshme PSG barazoi ndaj Lens, po ky rezultat nuk e pengoi që të shpallej për herë të 10 fituese e Ligue 1. Parisienët shpallen fitues 4 javë para se të përfundojë kampionati. Por ky titull ishte special për një nga lojtarët e PSG.
Bëhet fjalë për Marko Verratin, i cili ditën e djeshme fitoi titullin e 8-të me skuadrën franceze, teksa është pjesë e tyre që nga viti 2012. Një arritje kjo ku asnjë futbollist tjetër në Ligue 1 nuk ia ka dalë ta përmbushë më parë, teksa mesfushori italian është shndërruar në një nga lojtarët më të rëndësishëm të PSG duke koleksionuar 243 paraqitje ndërsa ka shënuar edhe shtatë gola me fanellën e parisienëve.
Discussion about this post