Një tjetër lojtar i Paris Saint Germain përundon në infermieri. Pas dëmtimit të Neymar Santos Junior tetë ditë më parë kundër Lille, kryeqytetasit do të humbasin shërbimet e një tjetër futbollisti dhe kësaj radhe për një periudhë më të gjatë.
I dëmtuar gjatë fitores së ekipit të tij kundër Marsejës, të dielën, Presnel Kimpembe pësoi një këputje të tendinit të Akilit në këmbën e djathtë. Në deklaratën e klubit thuhet se qendërmbrojtësi do t’i nënshtrohet një operacioni në ditët në vijim.
Vonesa për të shëruar dëmtimin e tij do të ishte tetë ose nëntë muaj dhe kësisoj sezoni i tij ka përfunduar.
Kimpembe, i cili ka akumuluar mjaft dëmtime muajt e fundit, ka marrë mbështetje nga disa bashkëlojtarë të tij. Kylian Mbappé, heroi i mbrëmjes me një dygolësh që i lejon atij t’i bashkohet Edinson Cavanit në renditjen e golashënuesve më të mirë të klubit me 200 gola, i dërgoi urimet më të përzemërta “ushtarit të tij”.
“Ushtari im. Forca e madhe, vëllai im”,- ka shkruar Mbappé. “Kjo dhemb. Edhe kjo fitore është për të”,- tha Marco Verratti.
Discussion about this post