PSG nuk rinovon për momentin me yjet e skuadrës

Paris Saint-Germain ka pezulluar negociatave me dy nga yjet e saj.

Fjala është për Lionel Messin dhe Sergio Ramosin. Këtë e tregon Mirror, duke iu referuar L’Equipe.

Arsyeja që klubi ka bërë një pauzë në tratativat e rinovimit është për shkak të situatës së Fair Play-it financiar.

PSG ishte një nga 10 klubet e gjobitura për shkelje financiare në sezonin 2020/2021.

Parisienët paguan 10 milionë euro gjobë, plus u gjobitën me kusht edhe 45 milionë euro të tjera, përcjell abcnews.

Paris Saint-Germain ka raportuar humbje vitet e fundit, dhe për të parandaluar sanksione më serioze nga UEFA (përveç gjobave, mund të flasim për ndalim të regjistrimit të lojtarëve në garat evropiane apo edhe përjashtim nga Champions League), klubit mund t’i duhet të marrë vendime të vështira.

Mund të rezultojë se do të jetë e pamundur nënshkrimi i kontratave të reja me Messin dhe Ramos.