Publikohen formacionet zyrtare, Dinamo me ndryshime përballë Vllaznisë

Dinamo dhe Vllaznia do të përballet sonte në orën 19:45 për javën e 14-të të Superligës dhe të dyja skuadrat janë në kërkim të pikëve.

Pak para sfidës janë publikuar edhe formacionet zyrtare të dy ekipeve. Dinamo vjen me disa ndryshime, pasi në portë nuk do të nisë Bakaj, por Simoni.

Ndërkohë, te Vllaznia Brdariç ka zgjedhur Da Silvan në vend të Kruëjs, që ishte dhe dilema e vetme për shkodranët.

Formacionet zyrtare:
Dinamo (4-3-3): Simoni; Malikji, Sofranca, Imami, Isaevski; Siljanovski, Sidibe, Demiri; Bardhi, Ibraimi, Mihana.
Vllaznia (4-2-3-1): Zogoviç; Gurishta, Diagne, Adili, Hakaj; Krymi, Jonuzi; Latifi, Da Silva, Hoxhaj; Aralica

Aktualisht Vllaznia renditet në vendin e tretë të Superligës me 23 pikë, ndërsa Dinamo është në vendin e shtatë me 13 pikë.