Në fundjavë rikthehet kampionati shqiptar ku do të zhvillohet takimet e javës së nëntë e cila do të ezaurohet në tre ditë. Të shtunën do të luhen dy takimet e para. Skuadra e Vllaznia sfidon në “Loro Boriçi” Kastriotin duke filluar nga ora 16:45. Një ndeshje shumë delikate për shkodranët që janë të detyruar të fitojnë për të mos komplikuar akoma më shumë rrugën drejt objektivave sezonal.
Pas përfundimit të kësaj sfidë do të zhvillohet dueli tjetër në “Elbasan Arena” ndërmjet Partizanit dhe Laçit. Një ndeshje që premton spektakël. Të kuqtë kanë fituar dy ndeshjet e fundit në kupë dhe kampionat si dhe ndaj Turbinës në miqësore teksa përballë Laçit kërkojnë vazhdimësinë. Në kampin tjetër, kurbinasit kërkojnë suksesin e radhës nën drejtimin e trajnerit Mirel Josa.
Të dielën do të zhvillohet vetëm një takim. Skuadra e Teutës kërkon të lërë pas humbjen me Laçin për tu rikthyer tek suksesi ndaj Skënderbeut, kundërshtar që ka bërë mirë ndeshjen e fundit me Kukësin dhe udhëton me moralin e lartë në Durrës.
Të hënën do të luhen dy takimet e fundit të javës së nëntë të kampionatit shqiptar. Në 16:45 Dinamo do të përballet me skuadrën e Egnatias në kryeqytet. Një sfidë shumë e rëndësishme për të dyja skuadrat. Rrogozhinasit luajnë pa presion teksa kryeqytetasit synojnë vetëm fitoren.
Në 19:45 do të luhet nën dritën e projektorëve kryendeshja e javës Kukësi-Tirana. Një sfidë e shumë pritur në të dyja kampet teksa verilindorët kërkojnë të ngushtojnë diferencat me bardheblutë që kryesojnë garën.
Discussion about this post