Një sëmundje e pa rastisur më parë kaf filluar të shfaqet në Kosovë gjatë muajit nëntor. Ministria e Shëndetësisë bënë me dije se, Vetëm gjatë nëntorit 15 fëmijë janë paraqitur në Klinikën e Pediatrisë në QKUK për kontroll nga infektimi me virusin “Coxsackie”.
Drejtoresha e kësaj klinike, Violeta Grajçevci, thotë se, simptomat e këtij virusi si pikat e kuqe në duar, këmbë e gojë, kanë shkaktuar panik tek prindërit, por që situata është stabile. Grajçevci tregon se ky virus prek moshat nga një deri pesë vjeç, kryesisht periudhën e vjeshtës dhe dimrit.
Sipas mjekes, prindërit duhet të tregojnë kujdes të shtuar të higjienës së fëmijëve, pasi kjo do të ishte një masë mjaft e mirë parandaluese. Sakaq, bëhet me dije se pjesa dërrmuese e fëmijëve e kalojnë lehtë brenda 8 deri 10 ditë, ndërsa në raste të rralla kalohet në infeksion sekondar për të cilën rekomandohen të përdoren antibiotikët. Fatmirësisht, deri më tani nuk është paraqitur ndonjë rast i rëndë dhe mjekët bëjnë thirrje për më shumë kujdes.
Discussion about this post