Agjencia e Mbikqyrjes Policore ka reaguar pas ngjarjes së rëndë në plazhin e Potamit, ku komisari dhe shefi i Seksionit të Policimit, Arjan Tase, përplasi për vdekje një të mitur 5 vjeç.
AMP sqaron se menjëherë pas ngjarjes ka ngritur një grup të posaçëm hetimor për zbardhjen e plotë të ngjarjes.
Sipas dëshmitarëve në plazh, Arjan Tase po bënte manovra të rrezikshme me skaf para ngjarjes që i mori jetën të miturës.
“Pas marrjes dijeni të ngjarjes së rëndë të ndodhur në plazhin e Potamit, ku shtetasi A. T., me gradën Komisar dhe me detyrë Shef i Seksionit të Policimit në Komunitet në Komisariatin e Policisë Elbasan, ka goditur për vdekje një fëmijë 5 vjeç ndërsa drejtonte një mjet lundrues, Agjencia e Mbikëqyrjes Policore nën drejtimin e Prokurorisë së Rrethit Gjyqësor Vlorë ka ngritur menjëherë një grup të posaçëm hetimor për hetimin dhe zbardhjen e plotë të kësaj ngjarje.
Aktualisht, shtetasi A. T. ndodhet i shoqëruar në Komisariatin e Policisë Himarë.”-njofton AMP.
Discussion about this post