Punonjësit e skrapit në pikën e grumbullimit të kompanisë turke Kurum International, në ish-Metalurgjikun e Elbasanit, kanë gjetur paraditen e sotme disa predha luftarake të pashpërthyera.
Sipas raportimeve nga News24, predhat janë pikasur rastësisht nga punëtorët gjatë punës, të cilët kanë njoftuar menjëherë strukturat shtetërore.
Fatmirësisht nuk ka patur incidente me punonjësit e skrapit gjatë procesit të punës së tyre, ndërsa mësohet se në vendngjarje kanë shkuar forcat e policisë dhe emergjencave civile.
Ende nuk ka të dhëna për numrin e predhave luftarake të gjetura në pikën e skrapit në ish-Metalurgjikun e Elbasanit, ndërsa po procedohet për demontimin e tyre nga xhenierët dhe po hetohet për të zbuluar burimin se nga erdhën aty.
Prania e municioneve dhe predhave në pikat e skrapit është rrezik potencial për jetën e punëtorëve dhe jo të pakta kanë qenë rastet e incidenteve me pasoja për jetën e tyre.
Discussion about this post