Kreu i PD Lulzim Basha, ka dënuar sërish sulmin rus ndaj Ukrainës. Në fjalën e tij në Kuvend, Basha deklaroi se kjo është një çështje që duhet të marrë vëmendje maksimale.
Kreu demokrat u shpreh se PD mban qëndrim të qartë kundër agresionit Rus ndaj sovranitetit të Ukrainës dhe të njëjtën gjë duhet të bëjë dhe qeveria.
“Në komisionin e përbashkët parlamentar Shqipëri BE që po përfundon po diskutohen çështje të rëndësishme. Ndërsa ne ndodhemi këtu, kemi detyrimin moral që në raport me aleatët tanë në NATO dhe një vend i zgjuar nën agresionin rus, të mbajmë një qëndrim të qartë dhe ekuivok për agresionin e Rusisë kundër sovranitetit të Ukrainës. Do të kemi mjaftueshëm kohë për përballjen e të vërtetave të dhimbshme, pasi kemi fakte me vlerë provash për SPAK dhe drejtësinë dua të shkëputemi nga rendi i ditës, dhe të shpreh në emër të PD dhe jam i bindur në emër të çdo shqiptari, dënimin pa ekuivok në terma më të ashpra vendimin e Vladimir Putin për sulmin rus ndaj Ukrainës”, tha Basha.
Rikujtojmë se Presidenti rus, Vladimir Putin njoftoi nisjen e një operacion special ushtarak në Donbas, në lindje të Ukrainës. Ai iu drejtua kombit në kanalin televiziv në orët e para të mëngjesit, duke rikujtuar se të ashtuquajturat qeveri separatiste në Ukrainën lindore kanë kërkuar ndihmë ushtarake nga Rusia. Sipas Putin, qëllimi i operacionit është mbrojtja e njerëzve që u janë nënshtruar abuzimit dhe gjenocidit nga regjimi i Kievit për 8 vite.
Discussion about this post