Xheni Karaj dhe Zhaklin Lekatari, janë ftuar ditën e sotme në “Ftesë në 5” për të folur në lidhje me puthjet në buzë që shkëmbejnë vajzat e njohura të ekranit.
Gjatë intervistës, ato kanë folur në lidhje me situatat e ndryshme që janë paraqitur si në “Big Brother VIP” ashtu edhe në “Për’puthen” në lidhje me puthjet që vajzat kanë dhënë buzë më buzë, duke i cilësuar më tepër si puthje për “show” dhe mes mikeshash se sa puthje pasiononte.
Sipas Xhenit, edhe nëse vajzat kanë një pëlqim mes njëra-tjetrës, nuk ka asgjë të keqe.
Më tej, ishte vetë Zhaklina ajo që pranoi se ka dhënë puthje në buzë me vajza kur e ka ndjerë, pasi sipas saj kjo është thjesht një shenjë që tregon dashuri.
“Kur ka qenë e nevojshme ose kur e kam ndjerë jam puthur… Nuk e kam numëruar sa herë jam puthur as me çunat e as me gocat, thjesht kur më ka ndodhur jam puthur. Nuk kam ndonjë moment të rëndësishëm që më vjen në mendje tani se ka qenë thjesht një puthje e nuk ka pasur ndonjë rëndësi që ta ruaj në zemrën apo mendjen time”, rrëfeu ajo.
Rikujtojmë disa nga rastet e fundit ku këto situata kanë ndodhur.
Për të gjithë ata që ende nuk e dinë, dy javë më parë, në shtëpinë më të famshme në Shqipëri, Semi, Beatrix Ramosaj dhe Beniada kanë shkëmbyer disa puthje buzë më buzë. Kjo erdhi si pasojë e një loje që quhet “e vërtetë ose dënim”.
Ndërsa në “Për’puthen” është transmetuar një nga prapaskenat ku Mikela dhe Ana kanë shkëmbyer një puthje në buzë. Ky moment është komentuar shumë nga djemtë që duket se nuk iu ka pëlqyer ky gjest i vajzave. Të pyetura nga Bora Zemani, moderatorja e emisionit, se çfarë ndodhi në prapaskenë dhe pse kjo puthje, Mikela ka shpjeguar se ishte një lojë që ata po bënin, ku si dënim, Ana duhet të puthte dikë në buzë dhe zgjodhi njërën nga vajzat. / O.B / Gijotina.com
Discussion about this post