“Çmimi i madh i Valencias” do të jetë gara e fundit në karrierën e mrekullueshme të Valentino Rossit në MotoGP. Në një prononcim të dhënë para ndeshjes Rossi ka komentuar këtë çast jubilar për të.
“Ishte një sezon i veçantë, veçanërisht pasi kuptova se do të ishte i fundit. Në garat e fundit u përpoqa të garoja normalisht, por nuk ishte e mundur. Të shohësh të gjithë motorët e mi dhe të gjithë pilotët, së bashku, të jep një ndjesi të veçantë. Do të mundohem të jap maksimumin gjatë kësaj fundjave. Shpresoj të kaloj mirë sidomos të dielën.
Gara e Valencias është një moment i mirë për të gjithë, por është e qartë se jeta ime do të jetë ndryshe nga e hëna. Do të vazhdoj të garoj dhe të jem pilot i makinave, kështu që do të përpiqem të argëtohem, por është e qartë se jeta ime do të ndryshojë.
Për çfarë do të doja të më kujtonin? Gjëja më pozitive në karrierën time është se shumë njerëz kanë filluar MotoGP për të më ndjekur mua. Ky sport është bërë më i famshëm në Itali dhe në mbarë botën. Gjatë kësaj karriere u bëra një lloj ikone dhe për mua ishte një kënaqësi e madhe”, tha Rosi,
Discussion about this post