Presidenti rus, Vladimir Putin dhe kryeministri britanik Boris Johnson, në një bisedë telefonike që kanë zhvilluar përpara takimit të samitit të G20, kanë folur për çështjet e ndryshimeve klimaterike, situatën në Afganistan dhe rivendosjen e Planit të Përbashkët Gjithëpërfshirës të Veprimit, i njohur si marrëveshja bërthamore e Iranit.
Të dy liderët u shprehën se Moska dhe Londra do të duhet të bashkëpunojnë në shumë fusha pavarësisht problemeve të krijuara.
Jonhson përshëndeti hapat që Rusia ka ndërmarrë për tu angazhuar në emetimet e karbonit, ndërsa theksoi se pavarësisht se marrëdhëniet aktuale mes dy vendeve nuk janë ato që duhet të ishin, Britania ashtu edhe Rusia kanë përgjegjësi të punojnë së bashku për të trajtuar sfidat si ndryshimi klimatik dhe për të mbrojtur marrëveshjet ndërkombëtare.
Nga ana e tij Putin tha se do të marrë pjesë në samitin e G20 nëpërmjet video-konferencë për shkak të situatës së pandemisë në Rusi.
Udhëheqësit e G20 do të mblidhen në Romë, më 30-31 tetor për të mbajtur samitin.
