Agjencia e Parqeve dhe Rekreacionit, që varet nga Bashkia Tiranë është në radhën e parë të institucioneve që po prokurojnë fonde para zgjedhjeve. Tenderi i radhës është thjesht për të prishur ca lekë! Deri më sot ky institucion nuk është ndjerë fare kur vjen fjala tek dëmtimi apo djegia e pyjeve në Tiranë. Gjithmonë i është lënë përgjegjësia Emergjencave Civile dhe zjarrfikësve! Por, tani në luftë me kohën që i ka mbetur shefit Erion Veliaj para zgjedhjeve, Agjencia ka nxituar të çojë ca para diku.
Bëhet fjalë për kontratën me objekt “Monitorimi i zjarreve dhe parandalimi i dëmeve në fondin pyjor të ekonomive pyjore Rovë-Lunxhë, Baldushk, Krrabë -Gurrë”. Për të monitoruar këto pyje Agjencisë do t’i duhen 2 muaj për të vendosur pajisjet dhe 1 vit firma fituese do të bëjë monitorimin. Për një vit punë mbikëqyrje, Agjencia do të shpenzojë 583 milionë lekë. A duhen vërtetë kaq shumë para për këtë punë?
Më shumë kushtonka monitorimi se sa pylli!
Së pari, nga kjo kontratë po del se Agjencia nuk i ka pasur asnjëherë në monitorim pyjet dhe nuk ka pasur asnjë plan për mbrojtjen e tyre nga zjarret apo dëmtime të tjera. Pra, gjithçka tjetër deri më sot ka qenë propagandë.
Këtë fakt e vërteton situata e verës së shkuar. Për ditë të tëra pyjet u përfshinë nga zjarre. Por, më së shumti në kodrat e Kërrabës pati dëme të mëdha.
Në fotot më poshtë shohim se zjarri ka rrafshuar dhjetëra hektarë pyje. Dhe asaj kohe Agjencia e Parqeve nuk u ndje fare.
Krrabë, 4 gusht 2022
Pse duhet ky tender, kur për rikuperimin e hektarëve që u dogjën nuk flitet fare?! 583 milionë lekë do të shkojnë për firmën që do të vendosë këto pajisje dhe kaq! Asnjë plan bindës nuk paraqet Agjencia, se si do të harxhohen këto para.
Dëmtimi i pyjeve qoftë në zonat e Tiranë apo kudo, bie si përgjegjësi edhe në Ministrinë e Mbrojtjes, si dhe të Emergjencave Civile. Por kur është puna për vjelë para nga buxheti, mbivendoset bashkia e Veliajt mbi këto institucione qendrore.
Duke parë pasionin e Lalit Erit për ndërtime e beton, nuk është çudi që pas monitorimit të dalë ndonjë projekt për vila në atë zonë! Zoti e i ruajt pyjet nga Lali Eri dhe oligarkët e pangopur!
Lexo edhe: Bashkia Tiranë abuzon me Parkun e Dajtit, u fal tokë miqve në zonën e mbrojtur
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post